تاريخ الاضافة
الأحد، 17 يوليه 2005 11:37:46 ص بواسطة غيمة غلا
0 2672
هامتي فوق
هامتي فوق
خافي زرعت الطيب من يوم يومي
وحلفت بــالله مذكره واتنـــاساه
كل العيون الشاهده لي تلومي
ماهمني هرجن ولاقول لوشاه
لاغير شخصن كل وقته لزومي
من قال كلمه في جداه اتحداه
فوق السحاب وفوق كل النجومي
لــه رافعن قــدره ولايــوم انساه
لكن خسارة كل ضني وعزومي
اصبح تبيع اليوم في غير مجراه
باع العهود وباع فكري ونومي
وسيس جدار الكره وصار يبناه
وكل الفعال الكايده لي علومي
يفرح بطاري الشر لي ويتمناه
صار الرفيج لعدوي واصبح يلومي
لاياحسافة كل غرسن غرسناه
هذا الحصاد اليوم ليه لزومي
ومديت كفن لي على كف يمناه
ماهو مصافح بس اوضح عزومي
من شان يعرف جيته مثل فرقاه
واقهر بها العذال يالي تحومي
وابين الضحكه وقصى الدمع اخفاه
روح عسى ايام الهنى لك تدومي
ومتشوف غير اللي علي تمناه
إسم الشاعرإسم الكاتبالبلدإسم القسمالمشاهدات
غيمة غلاغيمة غلاعمان☆ دواوين الأعضاء .. الشعر العامي2672
لاتوجد تعليقات
جميع الحقوق محفوظة لبوابة الشعراء .. حمد الحجري ©