تاريخ الاضافةتاريخ التعديل
الخميس، 12 أبريل 2012 12:17:52 م بواسطة صالح السنيديالخميس، 12 أبريل 2012 01:51:46 م
0 368
حرف شعري
غارت الشمس منها وسلمت في خجول
الجمال احتواها بين شوق وحنين
درةٍ من شبهها "ف" المخايل تجول
القمر قال حدي مالها من قرين
أبعيونه لحضني في عيونه جفول
يا المها من شراتك جوهر العاشقين
أنعس الرمش ساجد خاضعٍ في نفول
عود منها تثنى فتنة المبدعين
لو بغيت الوصايف قام شعري نزول
والقلم خان يدي بين يسرى ويمين
يا نسيم المشاعر حرف شعري عجول
حرف شعري تمنا معليات الجبين
حرف شعري كتبته بين صخر وسهول
حرف شعري حملها موجة السامعين
بين قربي وقربك كل شيء يحول
قلت أنادي خيالك عل طيفك يعين
قلت أصارح عيونك وثر عينك تقول
يا مسافر تمنا غيركم لي يزين
عذركم يا مسافر ظلمكم لي عدول
ناركم يا عيوني جنتي لو تشين
قلت عيني تمنت كل شيءٍ تنول
المحبة مشاعر لو يجف المعين
دام قلبك لغيري أعذريني جهول
ما نذل المعاني مثل شعري رزين
لو كتبنا القصايد ما نزيد الفحول
وش تزيد القصايد يوم غاب الحنين
إسم الشاعرإسم الكاتبالبلدإسم القسمالمشاهدات
صالح السنيديصالح السنيديعمان☆ دواوين الأعضاء .. الشعر العامي368
لاتوجد تعليقات
جميع الحقوق محفوظة لبوابة الشعراء .. حمد الحجري ©