عناوين ونصوص القصائد   أسماء الشعراء 
شعراء العامية في العصر الحديث > مصر > فؤاد حداد > حب الوطن

مصر

مشاهدة
3094

إعجاب
1

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

حب الوطن

حب الوطن
******
ردى ياسهريه
الروح لهذى العين
النبض للخيالين
ياغنوتى السحرية
أنا كنت غايب فين
أنا كنت دايب فين
أنا كنت دايما فين
غيران من السحلية
الخضرا زى الشمس
والا غريق فى الأمس
والا فى غرام هندية
بين الجسد والرمز
والا فى شجر يواقيت
فى ساعة استذكار
فى متجر المواقيت
والا كذا منقار
بيطور الحنية
بيلتفت بيهز
بياض فى ظل النهار
كأنه لبن البز
اللولى زى ماقلت لك
ببلاش
أربع بلاد ع الرصيف
وفى لفة السلم
الأولة ربع خالى
والتانيه عزوة خيالى
قرب وشوف موالى
بالطبع وفلسطين
الأولة مش صفيحه
مش علبة من هونج كونج
وجنيه كانت فصيحة
زى أرتفاع البرج
وبحر يوسف
وبير يوسف
بيناتهم شهر
واللى بيناتهم بلد
اللون رمادى شرد
زى الغزال من قرونه
والسبع من ديلة
بالطبع وفلسطين
واحنا فى آثار التاريخ
ولا فى آثار الحفر
ولا فى آثار النوم فى كلب الغرزه
الأوله مانى فاكر
والتانيه ماني فاتورة
كل القلوب مفطورة
على ايه ومن أيه
من حب الضنى وعليه
بالطبع وفلطسين
والأولة يا فلسطين
ياموشوشانى
فى القصيدة اللى فاتت
بعد الأوقات الى فاتت
بعد الزمان
اللى فات
كسروا رقبة المثل
لامات المثل ولا ماتت
فى دمى باتت
ردى ياسهريه
الروح لهذى العين
النبض للخيالين
ياغنوتى السحرية
أنا كنت غايب فين
أنا كنت دايب فين
أنا كنت دايما فين
************
**********
********
******
****
**
فؤاد حداد

القصيدة من ديوان الحمل الفلسطينى بعنوان حب (فعل ماضى)الوطن والديوان من مختارات لفؤاد حدادوكلها متعلقةبفلسطين قام بطبعه قبل رحيله عن دار الثقافة الجديدة بالقاهرة1985/1986م
بواسطة: محمد أسامة
التعديل بواسطة: محمد أسامة
الإضافة: الأحد 2006/12/17 03:48:16 مساءً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com