 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| لتراب مدرستنا |
| ريحة لا يمكن تتنسى |
| مهما جيوبك الانفية |
| كانت غبية |
| او حتى لو قلبك آسى |
| مش ناسى اول يوم |
| المريلة البنى |
| واول شنطة جلد |
| وانا واقف ف حوش المدرسة |
| دايب بين الوشوش |
| مرعوش |
| وحيد |
| عيني ع الباب الحديد |
| وامى اللى بتدارى |
| افراحها باحزانها |
| على قلبى اللى إتعلق ف كردانها |
| مطمنيش .. |
| غير ابتسامة علم |
| بيشاور للعيال ف الحوش |
| استاذ رضا |
| وهو بينادى الاسامى |
| اولى اول |
| السبورة اللى وسع السما |
| ولون الليل |
| الحيطان المتجلدة |
| بضحك واحلام العيال |
| قلمى الرصاص |
| وهو بيحبى ف اول حرف |
| وزى ما اتعلمت |
| ارص الكراسات ع الرف |
| إبتديت الم الاسامى من صحابى |
| وارصها ف قلبى |
| صف صف |
| احمد وسعد |
| جميلة وهند |
| ام طابع حسن وغمزتين |
| مش ناسى اول يوم |
| والخوف الممزوج بحنين |
| وياااااااه |
| على فرحة اول فسحة |
| اللعب والتنطيط ع الدكك |
| اول سندوتش بتقسمه |
| مع بنت ..... ضحكتها كانت ايد |
| بتطبطب عليا لحد النهاردة |
| الدوم ولفة العسلية |
| رغيف الكشري والطعمية |
| من عم خاطر |
| اللى كان بيبع لنا بالامر المباشر |
| واللي مايشتريش |
| ياويلة م العذاب الأدنى |
| .. حضرة الناظر .. |
| او م العذاب الاكبر |
| .. أوضة الفيران .. |
| مش ناسى دورى المدرسة |
| ودراعى الشمال لما اتكسر |
| استاذ على وقرص الودان |
| وابلة منال ف شمس وقمر |
| لتراب مدرستنا رغم مرور الزمان |
| ريحه عفية |
| بتشدنى من اول الشارع |
| بتسند خطوتي |
| وتشارك فرحتى |
| وبتجرى زى الحبيبة تترمى ف حضنى |
| وانا لسة يادوب بخطي باب المدرسة |
| ماسك ف ايدى ابنى |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
