إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
دخلت الجيش وخرجت |
باصابه ف رجلى الشمال |
وبصاحب بنى سويفى |
كان جدع قوى اسمه كمال |
مات ابويا وامى ف حداشر شهر |
دارت بيا الدنيا وتهت |
وبرضه لسه الحلم ف سدرى عيل عفى |
اصبر فية ويصبر فيا |
اشتغلت ف شركه للمحمول |
التخصص تركيب شبكات |
وابتدت اخواتى تزن عليا |
شوفلك بنت حلال واتلم |
ابوك كان حلمه يشوفلك عيل |
وامك ماتت من حسرتها عليك |
وكلام م اللى يزيدك فكر وهم |
ودخلت برجلى ف حرب المم |
والشقه اللى يادوب اوضتين |
بقت علبتين سردين |
وكل ورقه نتيجه كانت توقع |
وتسحب وياها توب السواد |
من شعرايا ف دقنى او فى دماغى |
كنت باموت م الخوف |
وابتدا الحلم القديم فاكرينه |
يابختكم........ |
انا اصلى نسيت |