 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| كنت قرصت ودان الريح |
| علشان ماتبوحش بتباريح |
| كنت ندهت بعزم مافيا |
| وهموكى ان انتى نبيه |
| مع انك دلوقتى سخيفة |
| ودمك بقى يلطش ورذل |
| اه لو سابو الحلم كمل |
| كنت كفرت بحبك جهرا |
| وعملت انى بحبك سرا |
| شفتى الايه ازاى مقلوبة |
| شابة لكن شايخة وكركوبة |
| عملت من عشقها تنور |
| ميته طفت ناره دبل |
| اه لو سابو الحلم كمل |
| كنت طلعت مداين خوفك |
| وانا بلعن ف ادانى ظروفك |
| مالطة اللى انتى ضحكتى عليّ |
| وقلتى لى مداينها هنية |
| طلعت خربانة ومبنية |
| طوبة قلق وطوبة ملل |
| اه لو سابو الحلم كمل |
| كنت وكنتى وكانوا وكان |
| خالى البال فتح الدكان |
| والشوق اللى ف يوم ما يرنش |
| يحضر ببديلة ومايونش |
| ماهو مولد جسمك ياحبيبتى |
| الحمص فيه يجنن وعسل |
| اه لو سابو الحلم كمل |
| لكن هاعمل ايه مغصوب |
| الحلم بتطلع بالمقلوب |
| يامايكملش واقوم مفزوع |
| وانا مش فاهم ايه الموضوع |
| الشيخ عفريت بيقول محسود |
| وبيحلف الف طلاق ده عمل |
| اه لو سابو الحلم كمل |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
