 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| اخيرا عرفت طريق البنك |
| اخيرا بقالى رصيد |
| الحظ واخدنى ف حضنة |
| وكله جديد فى جديد |
| الكل بيفرد ف ابتسامته |
| ظابط القسم اللى بسلامتة |
| شكلى مكنش عاجبة |
| بعتلى ورد |
| وبيسالنى |
| عن الحلاق اللى مظبطلى ف دقنى |
| وبيندهش انا ليه لدلوقتى |
| مابقولش دروس ف الجامع؟ |
| اتحولت بطنى لعشة فراخ |
| ولاول مرة ف عمرى |
| بادوق حلاوة ...... الانتفاخ |
| حتى الاحلام اتغيرت |
| من استكانة وخوف |
| ورعب من الظروف |
| لحلم واحد صيف شتا مابغيروش |
| بضرب كل الناس بالجزمة |
| كلامى اللى كان مالوش لازمة |
| دلوقتى بقى مرجع ودليل |
| طلعتى بقت للكل عيد |
| وماعدش ناقص بس |
| غير شئ وحيد |
| اكمل نص دينى |
| ياترى بنت الوزير |
| ولا الامير |
| ولا الرئيس |
| تخيلوا كل الحاجات دى |
| باعيشها كل خميس |
| وانا راكب المترو |
| ورايح على شغلى ف رمسيس |
| فاتح رابع صفحة ف الاخبار |
| بدور ف شهادات الاستثمار |
| يمكن تضرب شهادتى |
| م اللى اشتراها ابوى |
| بعد ولادتى |
| من ميت سنة |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
