 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| استاذ الرسم ف مدرستنا |
| استاذ كمال |
| بيحب آبلة الاقتصاد |
| آبلة منال |
| وكلامى دا مش خيال |
| حقيقة مافيهاش اى احتمال |
| ف اوضة الرسم |
| قاعدين طول النهار مع بعض |
| وكنا ف أولى تالت |
| حصتنا يوم الحد |
| يادوب نخطى باب الفصل |
| يزّعق استاذ كمال مش عايز صوت |
| كلنا م الخوف نموت |
| ويادوب ثوانى |
| نرجع نهيص تانى |
| تتعفرت ابلة منال وتشيط |
| والله لاوريكو ياعفاريت |
| تهمس لعم كمال ف ودانة |
| يهب زى الاف ف مكانة |
| يسحب م الدولاب خرازنة |
| وبكل وقار وبكل رزانة |
| يسب ويلعن ف اللى جابونا |
| وعشان مايظهر لها عضلاتة |
| يتقلب الفصل لقبر جماعى |
| وبعد مايعلن كل الفصل وفاتة |
| يشخط بصوت جهورى قمر |
| نرزع وشوشنا ع الدكك |
| تتقفل ف عينينا كل السكك |
| ونستنى كلمة شمس |
| سنين وسنين |
| لكن هتيجى الشمس منين |
| وعم كمال والسنيورة منال |
| عشان ممفكرنا عيال |
| دفنين دماغنا ف الكلام |
| زى النعام |
| وهما اخر حب وانسجام |
| قاعدين لاتنين |
| قافلين باب الفصل عليهم |
| واتاريهم |
| الله اعلم بيهم |
| بيعملوا ايه مع بعض |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
