إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
افتكرته كان بيضحك |
لما خد منى البطاقه |
بص فيها |
وقام راميها |
وقال: خدوووووه |
قلت ليه؟ |
ما الاسم اسمى |
والصورة صورتى |
دقق ياباشا مافيش كسوف |
بص.. نفس الشرود والبلاده |
نفس الاحساس بالخوف |
الابتسامه المنطفيه |
هية هيه |
حتى شوف |
بص واتأكد كمان |
الشنب والدقن |
كسرة العين الشمال |
يعنى مش صورة عواطف |
أو أمال |
الاسم عندك اهو |
محمود ..... مش عفاف |
يعنى الحياة كلها واضحه وسليمه |
مفيش أى اختلاف |
ولا احتمال |
الضحكة مش صافيه ولئيمه |
وتبقى دى هى الجريمه! |
.. قاللى هاتنكت ياخفه |
اصل شكلك مش عاجبنى |
.. قلت له الحدوته عندك |
تبقى حدوتة وشوش |
ناس تقال وناس خفاف |
ناس ياباى وناس ظراف |
طب ع العموم دى خلقة ربنا |
قال كمان يعنى اعتراف |
يعنى سارق خلقة وماشى بيها |
خدووووووة |