 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| فجأة بّيوقف المخرج |
| آخر مشهد في العرض |
| ومافيش بديل مطروح |
| مافيش ولا بنى آدم ف الكواليس |
| الكل مستنى النهايه |
| وماحدش فاهم |
| ليه اعتذر بطل الروايه؟ |
| علي مشهد ليل.. |
| بيطلع الجمهور على المسرح |
| لاجل ما يحضر الزفه |
| وابتدا يدور الغنا |
| مبروك عليك |
| يامعجبانى ياغالى |
| عروستك الوحشة |
| بقت حلالك مش حلالى |
| فيا حبيبتى ماتخافيش |
| لسة الروايه فى البدايه |
| والتصاعد ف الدراما |
| لسة ماابتداش |
| بس اعرفى ان السقوط |
| ما كانش أكتر من مؤامرة |
| وان التنحى ما كانش تجربه |
| او مغامره |
| وان كان لابد |
| من لحظه استسلام غبيه |
| فاعزريه |
| شاركيه رفضه الشديد |
| للمالك الجديد |
| واسمعى صوت ذكرياته |
| عن سهم مرسوم على ورقه نتيجه |
| كانت ف اللحظه الشهيده |
| هى الوحيدة |
| اللى كانت شاهده |
| على تفاصيل براءتة |
| بس المفاجأه كانت اكبر من سلاحه |
| والمعانى |
| كانت اضعف من جراحه |
| ادخلى من بين مسامه واسأليه |
| بتحبنى اكتر |
| ولا السيجاره؟ |
| وليه مشاعرك |
| ساعة ما تكون ف حضنى |
| بحسها زى الستاره؟ |
| ده انا عينى حبلى بالمعانى |
| والرغبه الحلال |
| فخايف لية تقرب لى |
| يرتوى عطشى اللى صدا من سكاتك |
| وعرقك .... |
| اللى أطهر من عذاب الخلق |
| علمت الطيور تقرا البراح ف عينيك |
| أنا مش مستحيله عليك |
| ولا انت مش فاهم كلامى. |
| ياحبيبتى |
| نسيت اقولك |
| لسة التصاعد ف الدراما ما ابتداش |
| والمشاهد لسة جايه |
| كل دى كانت يادوب |
| دقات طبول |
| بتعلن بداية المسرحيه. |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
