 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| ** مكلمة ** |
| آلو.. ايوه يا ماما |
| ازيك ياحبيتى وحشتينى |
| عندك حق |
| بس والله الظروف |
| العيال ودخلة الامتحانات |
| شغل التطريز |
| مع هدت شغل البيت |
| والله ياماما إستويت |
| ماانتى عارفه معاش حسين |
| يادوب يكفى الانسولين |
| المهم أخبارك أيه وبابا إزية |
| هيفك الجبس كمان اسبوع |
| ياحبيبى تلقية فرحان |
| خلى بالك منة ياماما |
| بابا كبر وكمان تعبان |
| صحيح ياماما |
| قدامى طقم سرير حلو قوى ورخيص |
| هو فى حاجه ف مصر دلوقتى مش صينى |
| حاضر على عينى |
| هجيلك يوم الجمعة استنينى |
| سلمى على بابا كتير |
| لا اله الا الله |
| مع السلامة |
| ** مكلمة ** |
| الو |
| مين .... مجدى؟ |
| فينك يابنى وفين ايامك |
| والله ياريتها دامت |
| اخبارك |
| لا دة صلاح فى ليبيا من شهرين |
| والله يامجدى الحال متنيل |
| لما الواحد خلاص هيطق |
| يابختك لا مرة ولا عيل |
| الواد فتحى |
| من يوم ما جالة المدعوق اللى اسمه الخبيث |
| وهو الله يصلح لة الحال ويعينة |
| الراجل فينا زمان |
| كان ان جالة حبة سكر |
| كان سنة بيعدى الستين |
| دلوقتى ياحول الله |
| العيل نازل من بطن |
| وشايل بدل المرض اتنين |
| نحمد ربنا ونبوس الارض |
| ماشى يامجدى ابقى خلينا نسمع صوتك |
| ماشى ياواد عمى ... وعليكم السلام |
| ** مكلمة ** |
| الو ... أيوه ياجرجس |
| عمك امين |
| الله يسلمك ياحبيبى |
| باتصل عشان اعزمك |
| جابنيوت ايفا يوم الاحد |
| ماتنساش وعقبالك |
| صدقنى ياجرجس من يوم ماسافر نعيم |
| والواحد ضهره اتكشف |
| وكأن الواحد بيخلفكم للغربة |
| واية أخرتها |
| مش برضة خشبة وتربة |
| لما اشوف بقى هاتيجى ولا لآ |
| تسلم ياحبيبى سلم على ماما |
| مع السلامة |
| ** مكلمة ** |
| آلو ...... إيه يا بنتى |
| تليفونك على طول مقفول!! |
| لآ مش هقدر اعدى عليكى |
| هتغدى وانام |
| والله ما قادرة أصلب طولى |
| غسلت إمبارح مع ماما لما إتهديت |
| والله يامرفت بابا خلاص على أخرة |
| بس أنا ماقدرش أقعد م الشغل |
| شاريه حاجات وعليَ إقساط |
| بقولك ايه.. هابعت لك وفاء بلَيل |
| إديها البدى والتحجيبة الكحلى |
| اللى انتى لبستيهم يوم شبكة أخوكى |
| ماتخافيش ياجزمه |
| إستنى ثوانى يامرفت |
| خليكى معايا |
| لو سمحت بقيت الخمسة جنيه |
| الله يخليك علشان نازله المحطة الجايه |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
