إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
حبيبتى |
حبيبتى قابلتنى امبارح |
على جسر جملة ماهيش قادرة |
تخطى بالمعنى وتفتح |
جوة القصيد شباك بكرة |
وعشان حبيبتى شيفانى |
طيب وعيشها بالقدرة |
همستلى ف سرى وقالتلى |
بجد حتة دين فكرة |
الفكرة لعبيت ف دماغى |
فضلت اصفر والاغى |
رقعتنى بوسة على صداغى |
مفعولها م النوع الطاغى |
حبيبتى بنت الايه الشاطرة |
حبيبتى قالتلى تلاعبنى |
هعلمك لعبة جديدة |
هاقولك كلمة لو شاطر |
تحطها ف جملة مفيدة |
والجملة عشان ماتحتارشى |
ماتزدش عن كلمة وحيدة |
والكلمة نقطها وحروفها |
تكون جريئة وعنيدة |
شروط اللعبة عجبتنى |
وقلت حبيبتى تلاعبنى |
لكن ياخسارة نسّتنى |
قبل ماتمشى وتسبنى |
اسالها عن الكلمة |
حبيبتى عشان بتعشقنى |
على قد مابحن بتقسى |
غمتلى عينيا وادارت |
ورا كل تنهيدة وهمسة |
ورمتنى ف بحرها الهادر |
وسبتنى لا شط ولا مرسى |
وكل ما نادى واقول خلاويص |
ترد حبيبتى لآ لسة |
وسنين سنين وانا مستنى |
تبل ريقى تطمنى |
وكأنى على مدنة ف مالطا |
وادانى ليها ولعنيها |
اللعبة طالت لياليها |
ودخولى م الاول غلطة |
وهى لاسامعه ولا حاسه |
محمود كامل عوده |