تاريخ الاضافة
الخميس، 4 يناير 2007 01:27:11 ص بواسطة محمد أسامة
0 3345
القـواد الفـصيـح
القواد الفصيح
*********
سلمي يا عزيزة على الأستاذ
فنان اليوم
والمستقبل
محمود محمود محمود الباز
بنتي السنيورة القمورة
على فكره
بترقص ممتاز
ارقصي يا عزيزة متنكسفيش
محمود بقي منا خلاص ولا فيش
يا عزيزه النيزه كوا نيزه
كان ممكن
تطلعي مركيزة
تكي تم تكي تم تكي تم
تم تم
الرقص النقص يزيح الهم
تكي تم تكي تم تكي تم
تم تم
ويمشّى الحال
ويجري الدم
تكي تم تكي تم تكي تم
تم تم
على فكره يا كابتن محمود
وبرغم الكبت الموجود
أنا راجل ثوري متحرر
وعزيزه بتلعب على العود
إلعبي يا عزيزه متنكسفيش
ويخلي القعده شهيه
يا عم
ترالم ترالم ترالم
لم لم
أنا رأيي يا سيد محمود
وبرغم الصمت المقصود
إنك فنان المستقبل
ونشيد العصر المنشود
قربي يا عزيزة من الأستاذ
محمود ما بقاش محمود الباز
محمود بقي منا خلاص
ولا فيش
يا عزيزه النيزه كوا النيزه
كان لازم تطلعى مركيزه
ترالم ترالم ترالم
لم لم
العود النود
بيزيح الهم
ترالم ترالم ترالم
لم لم
محمود بقي منا خلاص ولا فيش
قربى يا عزيزة ما تتاخريش
يا عزيزة النيزه كوا النيزه
أنا رأيي إنك مركيزه
هلالم هلالم هلالم لم لم لم
محمود النود بقي نازل هم
هلالم
هلالم
هلالم لم لم
وعزيزه النيزه
تحب الهم
هلالم
هلام
هلالم لم لم
*********
**********
إسم الشاعرالبلدإسم القسمالمشاهدات
أحمد فؤاد نجممصر☆ شعراء العامية في العصر الحديث3345