تاريخ الاضافة
السبت، 30 يوليه 2005 04:56:53 م بواسطة جاسم الحجري
0 1163
تغاريد الحزن
وينك مشغل أفكاري تضوّي لي حروف القـاف
تزيح الهم عن صدري وأترجم هاجس أفكاري
تسلي خـاطر ٍ عاند يذوق امن الفرح ما طـاف
ولا وده يجي باكــر وهمه فالحـشا سـاري
يا حرفي قوم وأسعفني وخليني على المشـراف
أقول الشعـر وأتـهجّى أسّج القاف بأشعاري
سبب منهو خطف قلبي وشل امن الحشا ما لاف
وخلى دمعة ً خجـلا على خـدي بي اتـْماري
هذاك المـوت يا ربعي سرقها عزوة الأشـراف
ولا لـي حـد يجبـرني إذا دق البكـاء داري
يا" أبـويه" هدني حزني وعظماني غدت لي تراف
وهم ٍ كالصخـر شلته فصدري وأشعلت نـاري
وبحـر ٍ مالحـزن طـامي تملكني ولا بي راف
"بو خالد" عـزوتي وينـك تشوف اللي بيه صار ِ
رحل قلب ٍ خذا قلبي وخذنا ذا الوقت باسراف
يا " تركي" ما قدرت أصبر ولابي تسكن أسراري
بكيت وهلت ادْموعي دموع ٍ ع الوجن تنشاف
يا "سلطـان" السنا غـادر وحلت محنة أقداري
رحـل عني ولا قلبي فصحة وفالدهر متعـاف
وزاد القـلب ويـلاته يسّـج النـوح سمّـاري
"بويـابر" شوفني عندك وعقلي طـاير ٍ خطاف
يراقـب للقمـر طلـه وعنـده زود مقـداري
فذاك القـبر ودعنا.. دفنا صـارم الأسـلاف
ودفنت بجنبهم قلـبي وأنا قلبي على ناري
سرقني يا "علي" حزني وتأسرني شهور عجاف
تـزاحم همـي وهمـي على هـم ٍ غدا ضـاري
وترحل بي هموم الكل فبحري وأضرب المجداف
أسـافر يا "حميـد" اليوم بحزني وقـت الأسحاري
دعـوتك يا آله الكون منزّل سورة الأعـراف
فجنـات الخلـد يسكـن وعنـده كل مختـاري
إسم الشاعرإسم الكاتبالبلدإسم القسمالمشاهدات
جاسم الحجريجاسم الحجريعمان☆ دواوين الأعضاء .. الشعر العامي1163
لاتوجد تعليقات
جميع الحقوق محفوظة لبوابة الشعراء .. حمد الحجري ©