تاريخ الاضافة
السبت، 30 يوليه 2005 05:42:49 م بواسطة عبدالله الحجري
0 1157
الزمان غروب
أسجّ بعيد .. وأتلاقى بطيفك .. والزمان غروب
وأسامر بالوفاء قلبك .. وأعاتـب وأشتكي فقدك
خيوط الشمس تحملني سـلام(ن) ما حمله مكـتوب
وتنثرني وله كلّي .. وأردّ أشتـاق لك .. وحـدك
توعديني وأنسى الوعد .. وأتـرك بالحشى لاهوب
ولا منّك نسيتي الـوعد .. أجيك وأغصبك وعدك
أسيّل ( بالدلع ) دمعك .. ماهو بشـوف الدمع مرغوب
ولكن رغبـتي ( الكبرى ) .. أخلّي إيـدي على خدّك
وأمسـح دمعـك إبكفّي .. ويتغسّل طـــهر .. وأذوب
وأقول " الله على عينك " .. وأسمّي عليك .. لا أحـسدك
جميله يالجمال إنتي .. تعرفي للقـرب .. إسلـوب
ولا صدّيتي إبلحــظات .. صدّ الســـعد .. مـع صدّك
في رحلة حبنا ( المجنون) وهـم طالب .. وهـم مطلوب
وهـم بحار(ن) ومرسى .. وهــم مفقــود .. ويفقدك
وهـم جارح .. وهم مجروح .. وهم مرفوض(ن) ومرغوب
وهــم مشكاي به .. والشاكـي .. وإنتـي نفّذي حدّك
وهـم جلاد(ن) .. ومجلود .. وهــم سالب .. وهم مسلوب
تخالط كــــل شيء عندي .. وحصل نفس الأمر .. عندك
قويت أذكرك .. ما أنسى .. وعن حبّك عجرت أتــوب
وقلبي الناطــق إبحبّك .. يلاقي السعد .. مع سعدك
قوافل حبّك إتسافر .. وشرياني .. يا عمـري .. إدروب
وتحمل م البضائع (حـــب) .. وتنقل يالغــلا .. ودّك
بحربي الطاحنه ( حبـك ) .. غديت الغالب .. المغلوب
ملكت إلكل إحساســك .. وقلـبي .. صار في يدّك
وأنا اللي لا بغيت أهــرب .. هروبي إيكون بالمقلوب
بدل ما أهرب بعيد(ن) عنك .. أجىء عطشان .. وأوردك
وأغسل باقي آثامي ( إشتياقي ) .. وأرتويك .. إذنـوب
وذنبي يا كبر ذنبي ( غــلاك ) .. إيزيد في بعدك
ترى كل شيء بالعالم .. نسيمه ..يالغـلا .. ولغروب
إليك إنتي يسافــر بي .. وقلبي .. ما قوى .. فقدك
إسم الشاعرإسم الكاتبالبلدإسم القسمالمشاهدات
عبدالله الحجريعبدالله الحجريعمان☆ دواوين الأعضاء .. الشعر العامي1157
لاتوجد تعليقات
جميع الحقوق محفوظة لبوابة الشعراء .. حمد الحجري ©