إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
وطن .. مالي وطن ثاني .. بحبك أفتخر وأختال |
أنا .. فوق الثريا ... والفخر والعز عنواني |
عشقتك يا أغلى إحساسي .. عشقتك نسمهن ورمال |
عشقتك ليلن .. وفجرن .. جرى عشقك .. بشرياني |
عشقتك .. كثر حبات العرق .. والبحر .. واليامال |
عشقتك .. وأقسم إنه .. عاشقك .. ماله عشق ثاني |
عشقتك تربه .. وطيبة شعب .. يا طيبين الفال |
عشقتك موت .... وماني بمكتفي لو عشقك أضناني |
عشقتك رملن .. وصحراء .. ونخيلن باسقه .. وجبال |
جرى حبك بدمّي ... يا أعزّ ... وأغلى خلاّني |
كتبتك حرف .. ليت الحرف .. يوفي حق لو ينقال |
جميع الشعر .. ما يسواك ... وصفك يتعب أذهاني |
إذا لحنت أشعاري .. لغيرك .. يالغلا موّال |
تعرفي؟! .. إنها تصبح .. نشازن .. كل ألحاني |
أنا ذاك المحب .. المغرم .. الشاعر .. أنا اللي قال |
أحبك موت يا بلادي ... وحبك .. مثل إيماني |
رسخ حبك .. وما هو بحب زايف .. باكرن ينزال |
أحبك لين موتي ... ومستعد أفديك بأعياني |
أنا واحد من عيالك ... وواحدنا بألف رجال |
شداد العزم .. ما نخشى .. ونرفض يوم ننهاني |
على شأنك نسوم الروح .. وترابك ترى المثقال |
يفوق كنوز هالعالم ... ولا تسواه أثماني |
عظيمه حيل يا بلادي .. وكل الشعر .. والأمثال |
محالن .. توفي لحقك ... وحق القائد الباني |
عمان وبس .. يا كل الفخر .. يا منتهى الآمال |
بلاد المجد .. والتاريخ ... بها التاريخ يزداني |
وطن قابوس .. تاج العز .. بك تتفاخر الأجيال |
وأنا اللي ينتمي لي المجد ... بس لكوني عماني |
أخذ قابوس بزمام الأمور .. وغيّر الأحوال |
وثب بك للمعالي .. وثبهن .. يعداه نقصاني |
عسى الرحمن يحفظ قائدك في الحل .. والترحال |
زعيمن..ملهمن..قادر..عظيمن..مخلصن..حاني |
وطن فوق الثريا ... يحق لي بكل الفخر أختال |
ومنهو قد شخصي .. دام إن عمان عنواني؟!!! |