تاريخ الاضافة
الأحد، 31 يوليه 2005 07:17:14 م بواسطة عبدالله الحجري
0 1404
أنا ماني بلعبه
أنا ماني بلعبه في يدك .. وانتي تمشيني
على كيفك وطوع أمرك .. أقولك"للصبر آخـر"
أنا يا بنت لي عزّه .. شموخي ما يخليني
أطاوع قلبٍ يحبك .. ولو بلقى الشقاء باكر
بعيش وعزتي تاجي .. وقلبي ملك بيديـني
محال أعيش طوع ايدك .. ولو كان الجرح غائر
إذا قبل أمس ما فقتي .. أقول اليوم فهميني
عزيز وراسي ما يحنى لغـــير الخالق القادر
أبقطع للأبد وصلك .. وبنسى ماضــي سنيني
إذا وصلك يوطّي الراس .. بعز النفس وأكابر
ولو في البعد أنا بشقى محـال انك بتلقيني
اجي أترجى لغفرانك .. أقول لك آسف وحاضـر
ولو دمعي يسيل أنهار .. عساها للعمى عيني
ولا أترجى وصالك لو وصالك ينعش الخاطــر
إذا جنه وراها ذل .. عساها النار تصليني
أموت ورأسمالي عزتي .. وافهمها يا شاطــر
بقولك _ والذي صورك _ لو دمـي بشراييني
بغى ينصاع لشروطك .. بنزفه حيل للآخـــر
إسم الشاعرإسم الكاتبالبلدإسم القسمالمشاهدات
عبدالله الحجريعبدالله الحجريعمان☆ دواوين الأعضاء .. الشعر العامي1404
لاتوجد تعليقات
جميع الحقوق محفوظة لبوابة الشعراء .. حمد الحجري ©