تاريخ الاضافة
الأربعاء، 17 يناير 2007 11:14:56 ص بواسطة محمد أسامة
0 2269
بوتيكات
بوتيكات
بوتيكات النات كوا النَّات
وشقق مفروشه وعمولات
يا حلاوه الناوه كوا الناوه
يا بلدنا يا آخر فتاكات
بوتيكات النات كوا النات
**
شبيك لبيك فتح مخط
لبيك شبيك غمض عينك
حتقفّل مخك ح نطخك
ونلوشك لو تفتح عينك
ركب قرنين تركب مازدا
وتعيش سلطان في البرواز دا
مش عاجبك فالجبنه الفازده
والعيش والفول والكرَّات
يا حلاوه الناوه كوا الناوه
يا بلدنا يا آخر فتاكات
بوتيكات النات كوا النَّات
مين فيكوا ما يعرفش عليوه
شيّال المنيا الكحيان
في ثواني اتمول واتحول
بقي مسيو عليوه
إزاي؟
ما هي بوظه ومفتوحه
على حس ولاد المفضوحه
وأرانب صاحيه ومدبوحه
تتأستك تبيع البنوكات
يا حلاوه الناوه كوا الناوه
يا بلدنا يا آخر فتكات
بوتيكات النات كوا النَّات
*****
حتقول الفقرا ومشاكلهم
دي مسائل عايزه التفانين
وأنا رأيي نحلها رباني
ونموّت كل الجعانين
وبهذا ما حشد
ح يجوع
لو نعلن هذا المشروع
وح نقفل هذا الموضوع
نهائياً
ونعيش في تبات
يا حلاوه الناوه كوا والناوه
يا بلدنا يا آخر فتكات
بوتيكات النات كوا النات
إسم الشاعرالبلدإسم القسمالمشاهدات
أحمد فؤاد نجممصر☆ شعراء العامية في العصر الحديث2269