عناوين ونصوص القصائد   أسماء الشعراء 
شعراء العامية في العصر الحديث > مصر > محمد محمدين > أربع قصايد خوف

مصر

مشاهدة
1096

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

أربع قصايد خوف

طالع أنا ..
من نن عين المحرومين ..
المكتوبين ف الحسبه، بعد الفصله، ..
أصفار ع الشمال!
ف كفوفي طعم الملح .. طعم الخل ..
فوق الاحتمال ..
لمَّا الشتا ..
يصرخ ف جوف المحرومين ..
ويعري ف قلوبهم حنينهم للغطا ..
بيموت على كفِّي السؤال!
ساكن أنا ..
جوَّه الصبيَّه اللي ابتدت ..
تكره بياض التُلّ ..
وتخاصم زهور الفُل فستان الزفاف!
وهيَّه لسه بتستعيد الذكريات ..
تدخل ف جوف الصبر وتعد الساعات ..
يمكن زهور العمر تطلع ..
أو عبير الروح يعود ..
روح الحبيب اللي انكسر ..
م الوقفه ثابت ع الحدود!!
تحت المطر والسلك شايك ..
والصخور والليل وأصوات البارود
صعب انه يكتب م العدم ..
رغم الألم .. رغم الندم .. صرخة وجود!
طاير أنا ..
فارد جناح الرعشه جوّه الصرخه ..
لحظة م ابتدت ..
تدفن وليد الحق وتكفّن ..
ضناها من سكات!
تحفر ف قلب الرمل قبر بدمعها ..وتموت معاه .
طالع أنا ..
من صمت صرخة بتنتحر ..
ف قلوب تموت م الحسره ع العمر اللي راح!
والجي رعشه ودمع ناحت ..
ع الخدود نعي الصباح
داير أنا .. من دار .. لدار ..
وكفوفي بتسافر ..
ف حلْق الخلق تسقيهم مرار!
شربوني هم ف دمهم ..
نقشوني وهم ف عمرهم ..
رغم انهم ..
عارفين وشاربين المراره فكل جوف ..
لكنهم ..
ولا مرَّه قدروا يبوحوا ويسموني خوف ..
ولا مرَّه قدروا يبوحوا ..
ويسموني خ .. و .. ف!!!
محمد محمدين
بواسطة: محمد أسامة
التعديل بواسطة: محمد أسامة
الإضافة: الخميس 2007/01/25 09:28:30 مساءً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com