تاريخ الاضافة
الجمعة، 15 فبراير 2013 12:15:11 م بواسطة محمد بن عمار
0 589
الخنجر المذروب
أنا حظي رداته مع نصيبي في الشقا مكتوب
وقلبي بينهن من حيرته كثرت مطاليبه
جذبني ريم ٍبعينه وأنا كنت أحسبه مجذوب
ألا ياويل منهو طالعه والرمش يغضي به
ألا يابري حالي من دلال ٍ يرسمه بإسلوب
ذبحني عقب ماقفـّا وتل القلب يومي به
رفعت الرايه وسلـّمت رغم ٍعني ومغصوب
عيونه أجبرتني بغض طرفي ويش أسوي به
أثررمحه من أول نظرة ٍصوبّني الرعبوب
وأنا أحسبني بعيد ٍعن هدف مرماه وتصويبه
الا ياليت مامريت ذاك الشارع المنكوب
عذابي زاد من شفته وحالي صارت صعيبه
غزال ٍمن بياضه مثل فص ألماسة ٍمصبوب
يماري بحسنه القتال ببلاشك ٍ وريبه
وخده يجهربنور ٍمثل نورالفنرمشبوب
وعوده ايتثنى مثل غصن ٍفي مشاريبه
وخشمه من ورى البرقع شبيه الخنجر المذروب
ونهد ٍرافع ٍالثوب له يادوب زامي به
عقب شوفه وأنا ماطاب لي زاد ٍ ولامشروب
ومن عّزالمنام أصحى أرحّب به وأهليّ به
وأنا والله مالي في الشقا غاية ولامطلوب
أنا من قبل أشوفه ماعرفت الحب وتعذيبه
أنا زابن وأعدّ إني من أدناة الربع محسوب
ولالي شف ّغير اللي عذا بي من تسابيبه
لعل الله يكتب لي مرادي آخذه وآتووووب
أبّرد حرقة ٍفي القلب وأطفي من لواهيبه
إسم الشاعرإسم الكاتبالبلدإسم القسمالمشاهدات
محمد بن عمارمحمد بن عمارالسعودية☆ دواوين الأعضاء .. عامِّي589
لاتوجد تعليقات