تاريخ الاضافة
الجمعة، 15 فبراير 2013 12:31:56 م بواسطة محمد بن عمار
0 391
غارس الورد
يالله إنك تعين القلب ، من طول ياسه
مااهتنيت بمنامي ، والعرب يرقدونه
راحت أيام عمري في الشقاء والتعاسة
آآآه ياوقتي اللي ، ذقت منه المهونة
ضاع مستقبلي وأتركت باقي الدراسة
وانحرمت النعـيم اللي الملأ يذكرونه
من صغرسنيّ وحالي ، يزود انتكاسه
مكسبي ضيقة الخاطر وكثرت حزونه
أشرب الصبر وأملأ ، للمقابيل كاسه
وأحسب الناس مثلي كأسهم يشربونه
ياقمر، وين نورك ليلي أطول غلاسه
غاب عني وأنا بالدرب ما امشي بدونه
غارس الورد يجني مانبت من غراسه
وزارع الشوك مايجني ثمرمن غصونه
راعي الخير له بالخير بخص وفراسة
وراعي الشر عـلمه بيّن ٍ في عيونه
من مشى طيب تلقى الطيب منبع أساسه
والرديّ ، لو يجامل ، يخلفنـّه ظنونه
إسم الشاعرإسم الكاتبالبلدإسم القسمالمشاهدات
محمد بن عمارمحمد بن عمارالسعودية☆ دواوين الأعضاء .. عامِّي391
لاتوجد تعليقات