قصيده تنتظر شاعر وانا ياسعود شاعرها. | |
|
| اقدرها واصدرها لعين ٍ بالظلام تشوف. |
|
تعالت بالضلوع بْحور لا ضاقت مشاعرها. | |
|
| تلاطم بالمحاني موجها والناقلات حروف. |
|
هديته قلب واثر الحب ذايب في نواظرها. | |
|
| تكحل من غلا قلبي واهازيج الغرام تطوف. |
|
تغيب وضيقة الخاطر تحللها عبايرها. | |
|
| احِدْ غْيابها وانا حدتني بالخوافي ظروف. |
|
ينادي قلبها قلب ٍ نجوم الليل ساهرها. | |
|
| يباريها سمو الود بحدود الغلا والشوف. |
|
لفتني بالوله..! نبتت مشاعر من مقابرها. | |
|
| دفا قلبي لها حضن ٍ ونبضات الفؤاد دفوف. |
|
أحبه نعنبو حب ٍ عروق القلب يفجرّها. | |
|
| يفجرها في قلب ٍ حَب بيدين الغلا مكتوف. |
|
تقدم قِدمك أشواق ٍ غلاك اصبح مجامرها. | |
|
| تصدر مجلس ٍ فيه المشاعر بالحروف تروف. |
|
تكَيّف خافقي دله بها أنفاسه مباهرها. | |
|
| وحَلاَّ من غنجها مع حَمَار ٍ بالخدود يلوف. |
|
ركد في عينها رَيّ وخوافي النفس خابرها. | |
|
| يكمّل صورته ماس ٍ تعقّب ريّها ملهوف. |
|
لها في خافقي دوله من اشواقي عمايرها. | |
|
| بناها من ثلاث شهور ود ٍ مع غلا بالجوف. |
|
يمين الله لو ماعت عيونه في محاجرها. | |
|
| ابد ماتسقط الدمعه وانا لي باليدين كفوف. |
|
احوف لْها الفرايد والحقايق من مصادرها. | |
|
| حقيقة حب من قلب ٍ يحوفه بالمحاني خوف. |
|
اخاف اني اعيشه يوم بالدنيا بشايرها. | |
|
| تزف العوق عين الشوق مايبرد بها مذروف. |
|
كفرت بقلبها حب ٍ طلع بعيون باذرها. | |
|
| سقيته من عروق ٍ بالمحبه لونها مخطوف. |
|
نحل جسم المولع والمحبه في عزايرها. | |
|
| متى نور اللقا يفضح ظلام ٍ تمتليه كْهوف. |
|