إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
الدم فى الشوارع .. الدم فى الحارات |
والوسكى فى الايادى الوسكى فى البارات |
الدم بينادينا .. واحنا مشغولين |
يامحمد يانبينا يارسول العالمين |
الامه اللى بنيتها هدموها المسلمين |
يانبينا ياحبيبنا ايدينا مكتفين |
حكموا الاحكام علينا ولطخوا الجبين |
الدم فى الشوارع واللحم فى الركام |
واعلام العروبه بتهتف للسلام |
يانبينا ياحبينا ياحبيبنا ياامام |
قفلوا الابواب علينا عليك مليون سلام |
اتفككت عظامنا |
شربت من ويل ألامنا |
اعراضنا مستباحه |
ومباحه فى كل ساحه |
واطفالنا بيصطادوهم |
زى اسراب الحمام |
الدم فى الشوارع |
واللحم فى ثلاجات |
يانبينا ياحبيبنا.. ضعنا بين الاهات |
نصرخ ومين سامعنا .. |
فى عرف الحاخمات |
كل الاعراف باعوها |
قدام الكازينوهات |
عاش العربى المزيف |
ماتوا اهل الكرامات |
جثث اولادنا تنادينا |
من تحت الدبابات |
واحنا فاتحين عنينا |
هتكوا عرض البنات |
الدم فى الشوارع |
واللحم صبح رخيص |
يانبينا ياحبيبنا |
ثمنا اصبح بخيث |
النخوه بنبعوها |
والعزه بنهدروها |
والمجد للسكارى |
على شرف الموميسات |
المجد للدعاره |
والمجد للسكات |
بنطاطى لكل واطى |
والواطى داس وداس |
الواطى كمان ما راضى |
الواطى مالوش اساس |
يانبينا ياحبيبنا |
نارنا مليانه غاز |
وعضمنا المسوس |
فى الارض صبح رماد |
بصرخ ومين سامعنا |
غيره رب العباد |
مفوضين امورنا |
والصوره بقت سواد |
ياربى انت ناصرنا |
منك ناخد المداد |
تجمع كلمة عربنا |
ويتفض المزاد |
والدم فى الشوارع |
وكل يوم حداد |
نبكى دم فى دموعنا |
والهم فينا زاد |
الهم فينا زاد |
الهم زاد وفاض |