ياكاتب التاريخ ممنوع الإجحاف | |
|
| تنشد عن الإجحاف يوم القيامه |
|
عليك بالعدل الحقيقي والإنصاف | |
|
| وأبشر نهار الزلزله بالسلامه |
|
إبحث عن الأعيان من كل الأطراف | |
|
| وأكتب عن رموز الوفا والشهامه |
|
راع التعنصر والتجاهل والإسراف | |
|
| تبرك ركابه عند باب الندامه |
|
والكذب والتزوير ماحقق أهداف | |
|
| والرجل تعرف قيمته من كلامه |
|
حنا البقوم أبطال، فرسان، عرّاف | |
|
| لنا من التاريخ ذروة سنامه |
|
حنا لنا يوم المواقيف ميقاف | |
|
| ميقاف طيب وعز نفس، وكرامه |
|
حنا معادنا ذهب حر، وأشراف | |
|
| على بياض الوجه والإستقامه |
|
وافين في كل المهمات ونظاف | |
|
| مانلبس ثياب الردى والملامه |
|
يوم الحرايب والمغازي والإنكاف | |
|
| لنا على كل الوجيه الزعامه |
|
خيالنا يركض على خمسة أولاف | |
|
| شهد بها اللي جعل ترحم عظامه |
|
لاندفع الجزيه ولاناخذ أحلاف | |
|
|
يوم القبايل بين ناهب وخطّاف | |
|
| وراع الشداد يطش راع المسامه |
|
يوم العرب فيهم ثقيلين وخفاف | |
|
|
|
| نثبت ونرسي، قو عزم وقرامه |
|
مثل الجبال اللي ورا الطائف أرداف | |
|
|
تشهد لنا الأجناب لعّابة القاف | |
|
| وتاريخنا أبيض مادخل فيه شامه |
|
وليا إجحدونا أهل الدعايه والإرجاف | |
|
|
والله ماتنزل لغتنا للإسفاف | |
|
| يابعدنا عن مفردات الرخامه |
|
وليا عزف بالكذب والزور عزّاف | |
|
| خله يطبّل لا نهار القيامه |
|