تاريخ الاضافة
الإثنين، 11 مارس 2013 11:20:57 م بواسطة حمد الحجري
1 1013
طيبك يابوخالد هماليل و بروق
طيبك يابو خالد هماليل وبروق
وطاريك يشبه طاري سهيل لا لاح
المدح فنجال ليمناك مسيوق
ما دام طيبك في دلال الفعل فاح
والشعر لك مسيوق والطاق مطبوق
ومسامعك من حقها جني الارباح
تفعل يمينك فعل ماهو بمسبوق
وعندك لبيبان الصعيبات مفتاح
مكانتك فوق الشواهيق من فوق
ولك في دروب المجد مسرا ومسراح
شوفتك تبهج خاطر ٍ كان مبنوق
ووقفتك تجلي هم وتداوي جراح
لا جاك من همه جبل يشتكي عوق
داويت عوقه بالدوى والجبل ساح
ولا جاك من له من ورى الظالم حقوق
عود بحقه يقلب اتراحه افراح
وخوتك تنبت في حشى القلب زملوق
وخوي جنبك من سواقيك ميــّاح
يشفق عليها راعي الطير ويروق
لا راح معك العمر ما يعتبر راح
في خايع ٍ كله خزامى ورقروق
ريحه طوال الليل والصبح فواح
يشفي خفوق ٍ فيه من وقته فتوق
والبال مع شرواك ياشيخ ينساح
وهد العديم اللي على طلعه يتوق
يرخي جناح ويوعد ويكفت جناح
لو تنطحه ماشفت في سيقه اسبوق
شلايله كنها دناديش مسباح
ا طار لو من بعد ملحوق ملحوق
والخرب لا ناشه وهو عازم ٍ طاح
كنـّه من فؤاده الى طار منتوق
ماهو بللريضان لاهد مساح
من يوم جاني ما تمشيت فالسوق
ولا شريت من المحلات تلواح
مثله عن البيع وعن السوم مفهوق
ومثلك يابو خالد له الشعر نضاح
وشعري عن اللي ما يحاليك مرفوق
ولاني لغير الطيـّب القرم مدّاح
ماغيـّرك وقت ٍ به العمر مسروق
عن التراث اتذود بسيوف ورماح
عز القنص بالطير والخيل والنوق
فالبر خيال ٍ وفالبحر سباح
على طريق العود لاقدامك اتسوق
زايد عسى الفردوس له بيت ومراح
من تحته انهار وعلى راسه اعذوق
جعله مثل ماريـّح الشعب يرتاح
اللي بنى بالعزم فالرمل شاهوق
وجنى من الصبخا كمثرا وتفاح
محبته بقلوبنا شي موثوق
وغلاه مهما كان باقي ولازاح
ابوك يامحمد على المجد من فوق
وانت اشتريت الطيب والمدح الارباح
المدح فنجال ٍ ليمناك مسيوق
تقهو دام المدح في خاطري فاح
قالها في مدح محمد بن زايد
إسم الشاعرالبلدإسم القسمالمشاهدات
محمد بن فطيس المريقطر☆ شعراء العامية في العصر الحديث1013