عناوين ونصوص القصائد   أسماء الشعراء 
شعراء العامية في العصر الحديث > مصر > مسعد الدوينى > السنين (من ديوان الحلم)

مصر

مشاهدة
886

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

السنين (من ديوان الحلم)

غربينى توهينى فى أى حاره من شوارع دنيتك.. وأتركينى وحدى أمشى خطوه خطوه عايزأحس بأنى فعلا أعرفك لحظة مابيأتى المساويفردجناحه ع البيوت والسنين بتمرتمحى كل أعلان للشوارع والحارات أناقلبى مش محتاج دليل أنا عندى أحساس بالحنين..لو هانرجع بالسنين.. أيام ماكنت لسه طفل وبيشلونى ع الايدين حبه حبه..نزلت أحبى..وقفت أمشى.. خرجت من بابناالكبير..وبدأت ألعب فى التراب أسمع صفير القطرأجرى وأفضل أجرى قباله لماألحقه.. أوأسبقه. أفرح وأرجع تانى أهدى..أسرح بفكرى فى المسافه لحدماأوصل عندنا. بيروح لفين؟؟ وفلحظه يتلاشى السؤال.. وتشدنى ضحكة صحابى الفرحانين.. ويغيب على عقلى الصغير..أنى أدور عن اجابه. نلعب مانتعب..تنتهى اللعبه ونلعب لعبه تانيه وتنتهى.. ييجى المسا. نلعب مع الليل اللى دايسه ع الشوارع عتمته.. ونشوف خيالنا ع البيوت. نرفع ايدينا تترفع!! يجرى معانا زينا!! نضحك ويعلا ضحكنا..يضحك خيالنا انما..ليه الخيال.. ماسمعتلوش صوت ضحكنا؟؟ تترسم قاعده جميله..وكلناحاسين بأنفاس الدفا.. رغم الهواوالليل وبرده اللى انتشرويا السكون.. والودان بيشدها الراوى بحلاوة قصته. تنتهى القصه..ويبدأ كل واحدفيناينفض هدمته. ينشق صمت الليل..وتلهب خطوتى جسم الطريق. أوصل لبيتنا ألتقى كلبى مقابلنى بالهتاف.. أعلن أشارتى قبل مايصحى اللى كانوا فى انتظارى من ساعات.. وأدخل أنام من غير ماحد يحس بيا. ويمر عمرى يلف بيا دنيتى. أنسى الزمان وأنسى المكان. حكايات كتيره بتقابلنى فى الطريق..والاجوبه. بألقاهاعايشه فى السنين. بألقاها ساكنه فى الطريق. بألقاها طايره فى السما. بألقاها مكتوبه فى سطور. وفلحظه أحس بأشتياقى للمكان. أرجع هناك..نفس الشوارع والحارات.. نفس البيوت والنخل الاخضر والحروف. بس الزمان مش هوه هواه الزمان!! أقلع جميع الاقنعه.. أشعربأن الطفل..عايش جوه منى .. لسه طارح أسئله. *
مسعد الدوينى

قصيدة (السنين)من ديوان الحلم وهو ديوان مشترك مع صديقى الشاعر/شريف رستم..كتبت بتاريخ21/3/1983 ..ونشرت فى الديوان بتاريخ:1984 ميلاديه.
بواسطة: مسعد الدوينى
التعديل بواسطة: مسعد الدوينى
الإضافة: السبت 2007/02/10 08:48:43 مساءً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com