تاريخ الاضافة
الخميس، 4 أبريل 2013 04:43:46 م بواسطة حسن إبراهيم حسن الأفندي
0 280
ليه يا زمان
حذيفة القلبه كله حنان .....غادر ليك يا أمدرمان
خلا لي الألم ألوان ...... أبكي حظوظي ليه يا زمان
ما كان وكان أو كان ..... أصبح للشماتة عيان
دمعي السال ملا الأجفان .... خلى النوم جفاني كمان
حبيبنا الليلة ودع وسار ....نور للضلام بمطار
خلى قليبي واقد نار .....دمعي الحابسه صار مدرار
نهارك يا حبيبي سعيد ....ويوم ترجع يكون العيد
وراك اليوم طويل ومديد .......لا شي في حياتنا جديد
حذيفة العطفه كان فياض .... اليوم شرفك يا رياض
يحفظ للذمار وأعراض.......فارس الحوبة هو العرّاض
حبيبنا البالمطار عدى ....قاصد ليك يا جدة
متين ومتين ترى العودة .....نعيش جنبه في هنا مودة
اليوم جاكي يا مكة ......ما زاد في الكلام لكّا
وكم للضيقة جاد فكّا .....مغفور ليه ما عكّا
العمرة التكون مقبولة ...... ما تنقص من أجرك فولة
دايما بدعو ليك وأقولا ..... تلقى الرحمة تلقى قبولا
تقد ل بيها يوم الهوله
إسم الشاعرإسم الكاتبالبلدإسم القسمالمشاهدات
حسن إبراهيم حسن الأفنديحسن إبراهيم حسن الأفنديالسودان☆ دواوين الأعضاء .. الشعر العامي280
لاتوجد تعليقات
جميع الحقوق محفوظة لبوابة الشعراء .. حمد الحجري ©