عناوين ونصوص القصائد   أسماء الشعراء 
الشعراء الأعضاء .. عامِّي > السعودية > نجد بنت مطير > العود لا طاحت سنونه
نجد بنت مطير
نجد بنت مطير

السعودية

مشاهدة
1824

إعجاب
1

تعليق
0

مفضل
0

الأبيات
0
إغلاق
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

العود لا طاحت سنونه

العود لاطاحت سنونه
ماتنفعه كثرة أمواله
نياقه الشعل مزيونه
لكن ما اغلى من عياله
دنيا بها الناس مفتونه
والحمل وينه ياجمّاله
ماهي على طول مضمونه
كلٍ تبي تاقف اجاله
ناسٍ شقيّه.. ومديونه
والحال باقي على حاله
لكن يابو رهف صونه
احفظ شقى اليوم ورياله
موتَرْك جوّد دركسونه
واللاش خلّه لمقياله
اللي ملى بالكرى عيونه
يصبح على اهل*الوطن عاله
وراه ناسٍ يحدّونه
إلين مايكثر هباله
ان كان ماجنّت جنونه
يبطي ولا تِذكر افعاله
ياعنك يامقشر ظنونه
يموت والمجد ما ناله
راع الوفا ننشد شلونه
والا الرّدي مالنا وماله
شيٍ من العرف.. عربونه
ياحاكر العِرف ..برجاله
وان قالوا الناس ملسونه
كلً يروّح على فاله
انا عريبه ومصيونه
راسي على الفخر والطاله
لو هزّت حموله متونه
*العزّ ماهزّ فنجاله
قصيدي متميّز بلونه
مثل السديري مع اجياله
اعدّها ابيات موزونه
وابعد عن الغث وهزاله
للشعر حدّين مسنونه
وللقاف مربط وخيّاله
لو القلم باح مكنونه
خيال . .وابلَغْه من قاله
كلٍ يغنّي على شجونه
والنفس طربه وميّاله
في كل وادٍ يهيمونه
ويبقى على القمّه جزاله
درّه وفالبحر مدفونه
ربيبة الفكر مختاله
هذينصيحه ومضمونه
خذها على هيئة رساله
العود لا طاحت سنونه
ماتنفعه كثرة امواله!!
الشعل لو كان مزيونه
ماهيب اغلى من عياله!!
نجد بنت مطير
التعديل بواسطة: نجد بنت مطير
الإضافة: الأربعاء 2013/04/10 12:07:24 صباحاً
إعجاب
مفضلة
متابعة
أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق

أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
من نحن
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com