تاريخ الاضافة
الثلاثاء، 9 أغسطس 2005 11:23:05 ص بواسطة ابو حميد
0 683
الترحال
على شاطي ألمحبه باعلن الترحال
من عيون سبتني في شراييني
وباعلن في ضميري وخافيات البال
بأن الحب لك غلطة من سنيني
بأن الحب لك هفوة وهم غربال
علاقة حب تسلبني وتضميني
تعيشني حلم تافه سنين طوال
تأملني الوصل لحظة وتواسيني
وأنا صابر ومتأمل على كل حال
عسى يوم من الفرقا يداويني
عسى حلم السنين الماضية يختال
ويظهر بين صفحات وعناويني
تبينلي خطاي وهفوتي في الحال
ثمان سنين اتبعها وتجفيني
أنا المخطي أنا المذنب ودمعي سال
انا ما غمضتلي عين من شفتك تناديني
تعلمت الحيل خدعة وكيف احتال
تنشدت وسألتك هل تحبيني؟
وكان الصمت في عينك كما التمثال
ولا قلتي انا احبه ولا ضفتي بتبييني
ولا قلتي انا ما ابغاه في ذا الحال
ولا احبه ولا قلتي ترفضيني
صحيح اني في اطباعي وسيع البال
لكن يا بنت ما مثلك يشجيني
انا لي عزة عليا تهز جبال
انا ما اهين لك نفسي لجل عيني
ترا غيرك تمناني سنسن طوال
تمنى ساعة يقدر يحاكيني
يقولو من قديم الوقت في الامثال
الا يالي رماك ارميه في الحيني
انا شلتك وسط قلبي حمول ثقال
ابيت الا انزلها بعد حيني
وبرحل من عيونك واترك الاطلال
عسى ربي بعد صبري يجازيني
الا يا الله الا يا عالم الآجال
تنور قلبي التايه وتهديني
إسم الشاعرإسم الكاتبالبلدإسم القسمالمشاهدات
ابو حميدابو حميدعمان☆ دواوين الأعضاء .. الشعر الفصيح683
لاتوجد تعليقات
جميع الحقوق محفوظة لبوابة الشعراء .. حمد الحجري ©