جابك الحظ مدري كيف ومنين جيت | |
|
| ياطبيب الخفوق وجرحه السرمدي |
|
جيت مثل المطر شنّة ورنّة وصيت | |
|
| في نواصيه برقٍ لامعٍ وبْردي |
|
احسبنِّي نسيتك واثرني مانسيت | |
|
| ساع شفتك وقلبي صار يعدي عدي |
|
فز ماكنّ ودّه في ضلوعي يبيت | |
|
| لولا انا ماسكن عوج الضلوع بيدي |
|
قام يهبد بلا يمِّة وكنّه ونيت | |
|
| سايقه ورعٍ اقشر والمخاوي ردي |
|
ذبّوا الريع والماطور مافيه زيت | |
|
| واعدموا كل شيٍّ فيه حتى البدي |
|
مير ثبتّ في ميقافي ولا مشيت | |
|
| والاّ انا لومعي حيلة لاجيك اجْهدي |
|
ردّني عنْك مبدا راسخٍ به ربيت | |
|
| وديني وعقلي وخوفي حدتني حدي |
|
ادري انّك بخير وفالحياة اهتنيت | |
|
| كل هذا وربّي من دواع اسْعدي |
|
فرحتي فرحة كويتي بنصر الكويت | |
|
| يوم عاد لبلاده وادبر المعتدي |
|
انت قنديل في ضيّه كتبت وقريت | |
|
| كلّ بيتٍ شجيّ وكلّ حرفٍ ندي |
|
وانت بدرٍ على شلال نورك سريت | |
|
| من ضياك استنير وفي سناك اقتدي |
|
يارعى الله ليالٍ في سمانا بديت | |
|
| مااعرف سهيل والزهرة ونجم الجدي |
|
كلّما اشوفك ابدع لك من الشعر بيت | |
|
| يوم كنتوا وكنّا والبساط احمدي |
|
اذكر انّك على اقفال الضماير سطيت | |
|
| واذكر انّك سرقت النوم من مرقدي |
|