عناوين ونصوص القصائد   أسماء الشعراء 
الشعراء الأعضاء .. عامِّي > السعودية > سليمان الخضراني > بدر انا يابوك

السعودية

مشاهدة
1995

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

بدر انا يابوك

بدر انا يابوك مانيب سالي
يخمني في تالي الليل هوجاس
اضحك معك والقلب يصليه صالي
يعلمبه اللي يفرج الهم والباس
من شان ماتزعجك سود الليالي
ترتاح في دنياك مابيك تحتاس
ذقت المراره عنك واعطيك حالي
وخذ من تجاريبي من العمر بقياس
وصيتي لك دام جاله مجالي
اقضب طريق المرجله وارفع الراس
وترك طريق اللي مشى بالضلالي
خلك على درب الهدايه على ساس
وقت الرخى أعرف عزيز الجلالي
يعرفك بالشده ويغني عن الناس
وصلاة ربك قمبها بكتمالي
داوم عليها دامبك نبض وانفاس
والضيف قدمله سمينٍ وغالي
ترا الكرم لضيف يابوك نوماس
وخلك بشوش ومبتسم ياحلالي
لضيف لن الضيف يابوك حساس
والهيل والحمسه وصفر الدلالي
على مشبّك دايم الدوم نبراس
والجار قدره يابدر فوق عالي
أدمح خطاه اليا خطى قل لاباس
خلك على جارك كريم الضلالي
وخلك على بيته اليا غاب حراس
ومدت يمينك لاتعلم شمالي
تلقى جزاها عند ربك بلا قياس
وختر لنسلك من زحول الرجالي
الخال جذاب وترا العرق دساس
والنفس شلها فوق روس الجبالي
خلك عزيز النفس ياطير قرناس
النفس اذا عزيتها راس مالي
ومذلتك لنفس بالرجل تنداس
سليمان الخضراني
التعديل بواسطة: سليمان الخضراني
الإضافة: الثلاثاء 2013/04/30 09:38:43 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com