تاريخ الاضافة
السبت، 20 يوليه 2013 11:35:53 ص بواسطة khalil ali
0 349
أوعا تغفا
بعدك عم تحلم
أو أحلامك نسيت
بعدك عم تحلم
إنو يمكن يكون بكرا جديد،
بعدك عم تحلم
إنو يمكن تصير أحلامك عيد
أوعا تغفا، وما عاد تحلم
لأنو بكرا، ما جاي عن قريب
وما تتأمل إنو الفرج قريب
ياخي، كلّ يوم عم يكون شديد
وبإيدينا عم يحطوا الحديد
إنت فلسطيني، وهمك صديد
ماشي إنت عالأرض
والكل من لحمَكْ بدو يستفيد
الشمس بتغيب،
لأ ما تصدق، إنها بتغيب
أوعا تغفا، لأنك إنت والشمس
لبكرا جديد.
دوّر بكتب التاريخ
يمكن يكون في إلك تاريخ
وتعرف إنك من فلسطين،
دور بين الحروف
يمكن تكتب اسم فلسطين من جديد
وتبني أمة، إلها تاريخ
وأوعا تغفا، وتصدق إنو الشمس بتغيب
إن غفيت، بخاف يقتلوا حلمك الجديد
إسم الشاعرالبلدإسم القسمالمشاهدات
انتصار الدنانفلسطين☆ شعراء الفصحى في العصر الحديث349