تاريخ الاضافة
الإثنين، 19 أغسطس 2013 08:26:04 م بواسطة أحمد الظفيري
0 594
زمان الذيب
الوقت ما عاد ارتجى للفعايل
وابطى حسام السيف ركب السحايب
والزين منقودن بطول المطايل
والشين معذورن بكثر المعايب
والناس موضتها بلبس الهبايل
يبكي سواد الليل ثوب العجايب
والذيب مردوفن لشاة الجمايل
تمشي به فهب الهوى والهبايب
واغدى زمان الذيب كثر التمايل
وافضى شراب الشيخ تالي الصبايب
واللي احتسى راسه سبوب الهمايل
شاخ ورقى خيل الرقى والمهايب
صقر السما ما يطلب الديك سايل
جاه الدجاج اللي لكنتاكي طايب
مير الهوى فيني لطوع المثايل
واهل الطوايل واهلِ فك النشايب
والمرجله ما هي لكل منهو قايل
هي في لبوس اهل المراجل عصايب
واللي يشب النار عند القبايل
كِثرَه قليلن يقصدونه ركايب
واهل الشموخ اللي لقاها قلايل
لابد محسوده بنار الزلايب
واكثر سواد القوم بين الملايل
غادي يذم الشيخ والراس هايب
يا وقت انا ناشدك زهر الاصايل
وعلومن احيت في حنيني شايب
واحذف من حمولي هجوس الثقايل
واحمس بهار البن صافي الشوايب
يا وقت ملينا شيوخ الزبايل
في ونتي ونه على وقت غايب
تنشد مع الونه عروش الشمايل
واللي نساه الوقت ما هو بنايب
إسم الشاعرالبلدإسم القسمالمشاهدات
أحمد الظفيريالسعودية☆ دواوين الأعضاء .. عامِّي594
لاتوجد تعليقات