عناوين ونصوص القصائد   أسماء الشعراء 
الشعراء الأعضاء .. عامِّي > السعودية > عبدالرحمن الشملاني > لابسات المساء

السعودية

مشاهدة
1308

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

لابسات المساء

ما دام جيتك وضوح انتي تعالي وضوح
ما جيت معتم عشان تجين لي معتمة
نخلة شعوري غدى الساقي عليها شحوح
و الحين جيت أقطف الشاعر قبل موسمه
يا مسلمة: كل دربً قال لي روح روح
قولي له إني بروح اليوم يا مسلمة
يا لابسات المساء: ما فيه للصبح روح
إلا تهادت لربّ الجرح مستسلمة
جسم الزمن عاري إلا من ثياب النزوح
و انا أذكر إن الزمن في قمة الهندمة
استعرضه في مرايا ذكرياتي .. وأبوح
حتى يجي للمرايا تمتمة تمتمة
تقول: بتروح وين؟ آقول: أنا وين أروح؟
و أنا جروحي لها في وجه حلمي سمه
كأن ما فيه ضيقة من قبل عصر نوح .
لا وقتنا الحالي .. إلا جات لي ملهمة
أقول يا ضيقتي: ذا صدر ماهوب لوح
و تقول: بكتب عليه من الحزن ملحمة
وانا أعرف الضيقة إن مرت بشاعر طَمُوح
ما تتركه لين يخرج ضيقته من فمه
من وين أجيب أكسجين الضحك لا جيت أنوح
و صدر المواجع تنسّم لين ضاق إنسمه؟
أطباعي الهادئة .. فيها بقايا جموح
و انا عن الخيل .. خيلي ما تجي مُلجمة
بنيت لي في مساحات الأماني صروح
و صرح الأماني يجي جرح الزمن يهدمه
يا سارية: ممتلئ صدري وصدرك لحوح
ما عاد عندي سبب مقنع عشان أفهمه
أنا بوجه الحنين اللي بصدرك يفوح ...
و غمازتك والدلع والكحل والسلهمة
لا تجرحيني .. وأنا مانيب ناقص جروح
ترى من العام .. جرح العام ينزف دمه
خليني أرحل على سكة رحيل الطموح
قبل الهوى يمتهن ظلمي وقبل أظلمه
خلاص .. جيتك وضوح أحتاج أروح بوضوح:
ما بأطفي الحلم .. ودروب الزمن معتمة
عبدالرحمن الشملاني
بواسطة: حمد الحجري
التعديل بواسطة: حمد الحجري
الإضافة: الجمعة 2013/11/15 11:15:26 مساءً
التعديل: الجمعة 2013/11/15 11:37:46 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com