عناوين ونصوص القصائد   أسماء الشعراء 
الشعراء الأعضاء .. عامِّي > مصر > محمد أبو يوسف > ومين زَيِّك

مصر

مشاهدة
665

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

ومين زَيِّك

يا ست الحُسْن يا سمره
يا فايته ف الفؤاد جمره
تعيش أزمان
ونا الحارس على ليلك
واغَنِّيلك
أقول لك إيه؟
وأفرح لك
وأحزن لى
وَْاعَزِّينى
واهَنِّيكى
عشان نِلْتِى اللى تتمنيه
ونا الحَزْنَان
على بُعْدِك
على وَطَنِك
على اللى خان
وعَمَّالِى
يبيد نسلك
فى كل ميدان
بِحِجَّة أيه؟
بحجة إنهم إخوان
قوليلى يا هاله
أيه ذنبك؟
يا بنت الموت
وقولى معاها يا أسماء
لمَّا يسْألك ربك
ياللى
برصاصة غدر فى قلبك
بقيتى سِكُوت
وجاوبى إنتى يا حبيبه
دا مين قَتَلِك؟
أكيد دا طاغوت
شهيده
وقِصِّتِك نابعه
حكاوى ودم من رابعه
وبرضو حكاوى ف النهضه
وعين الشمس كات شاهده
على حالِكْ
يا بنت الخلد يا سابْحَه
فى أنهارك
ناصِع كتير جمال قلبك
دا ضَوْ الدنيا ما يساوى
شعاع واحد ف أنوارك
يا فرحانه ومَلْهُوفه
وأنهار الجنان ريِّك
دا شمس الضهر مكسوفه
لنور ضَيِّك
ومين زيك
محمد أبو يوسف
التعديل بواسطة: محمد ابو يوسف
الإضافة: الأحد 2013/12/22 12:42:50 صباحاً
التعديل: الأحد 2013/12/22 02:40:52 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com