تاريخ الاضافةتاريخ التعديل
الثلاثاء، 31 ديسمبر 2013 07:58:10 ص بواسطة سلطان عتيق الحربيالسبت، 1 مارس 2014 07:23:11 م بواسطة سلطان عتيق الحربي
0 206
عقد الالماس
ياليل غايب حبيبي
ماهي بعاده يغيبي
هذا هواي وطيبي
يكفيني عن باقي الناس
فقدت شوفة هوايه
حبيبي غاية منايه
ياليت ماهي وشايه
وياليت مابه ولا باس
انا اشهد انه غرامي
في غيبته ما انامي
يسحر بحلو الكلامي
عديم معدوم الاجناس
اصبحت بعده انادي
بعالي الصوت عادي
ياناس وينه ودادي
غايب وانا بي وسواس
وسوست في بعده اليوم
وبدونه النوم معدوم
امشي ولاحس بهدوم
عقلي فقدته من الراس
الحب عذب حياتي
والشوق يعكس صفاتي
شكلي ولوني وذاتي
هايم من الراس لساس
متى اشوفك بعيني
والم صدرك بيديني
ويشم عطرك حنيني
ويطفي هوى شوق الاحساس
انا امني ظنوني
والدمع غرق عيوني
والنار تشعل جنوني
مدري ولادري ومحتاس
مدري تعود واشوفك
يلي تجيني طيوفك
فقدت حتى حروفك
والله مهنى بمجلاس
صبري فقدته في بعدك
وانا عرفك عند وعدك
توفي ولو باح سدك
اصيل ياعقد الالماس
العيد قرب علينا
واحنا ترى ماهتنينا
في البعد والله جنينا
الآم ياعذب الانفاس
كنا على العيد نبني
ومن بعض نقرب وندني
واليوم قلبي نشدني
مشتاق والشوق دساس
معقول للحين غايب
لاحرف ولاصوت جايب
وانا من الشوق ذايب
شوق (ن) حنينه بالاقواس
لاتوجد تعليقات
جميع الحقوق محفوظة لبوابة الشعراء .. حمد الحجري ©