تاريخ الاضافةتاريخ التعديل
الأحد، 5 يناير 2014 06:15:35 م بواسطة عبد العلي فيلالي بالحاجالأحد، 5 يناير 2014 07:33:59 م
0 144
ما تتبدل ما تتغير
ما تتبدل عمرك ولا تتغير
خليك هكذا ديما كيف ما كنتصور
احساسي بيك ماشي صورة
احساسي باحساسك وكيف تتفكر
جميلة وسيدي ربي عطاك
والزين من حقو وشرعو يتيه ويعفر
خليك صورة فعيني جميلة
نشوفها ونقول ساكتة وقتاش تهدر
وايلا هدرتك ولقيت لك حيلة
محال نندم اكيد نغمات ميات وتر
وعلاش تتبدل اوتتغير
هلال بدوك وكمال بهاك بدر
شكون يقلب صفحة هواه
ويقول هكدا كان مكتاب وتقدر
او يقول ورا قلبو للي بغاه
خليني نوزن هواك ونفكر
ساعة من الغاني تتغني
وفجميع الاحوال قدر مسطر
وقداش ما قلبك يبغيني
انا قلبي الحبيب يبغيك اكثر
ونقولو قلبك كاع كان حديد
ايلا عطف وليان يصير حجر
إسم الشاعرإسم الكاتبالبلدإسم القسمالمشاهدات
عبد العلي فيلالي بالحاجعبد العلي فيلالي بالحاجالمغرب☆ دواوين الأعضاء .. الشعر العامي144
لاتوجد تعليقات
جميع الحقوق محفوظة لبوابة الشعراء .. حمد الحجري ©