تاريخ الاضافةتاريخ التعديل
الإثنين، 6 يناير 2014 08:56:01 ص بواسطة عبدالعزيز الشاطريالإثنين، 6 يناير 2014 09:30:33 م بواسطة عبدالعزيز الشاطري
0 355
" ورى الضحكة سموم "
الناس فالميزان والأيام تمشي للعموم
والفرق واضح بينهم عند العلوم الوافيه
اللي رقى درب المراجل كلها يصل النجوم
لو ما ملك درهم ولو رجله مشت به حافيه
قرمٍ ليا منّه مشى يلقى على دربه قروم
ما طاح لو جاته صواديف الزمان الجافيه
حظه رقى به واعتلى صيته على زين العلوم
يفخر وتفخر عصبته لا قيل رجل سنافيه
واللي قعد وارتاح والله في مكانه ما يقوم
حظه برك فوقه وصار بْلا ذكر ينعافيه
والمشكلة يلقى سواته من يصفّق له رخوم
اهل القلوب الحاسدة واهل العلوم الهافيه
ما همّهم غير الدنايا مثل غربانٍ تحوم
لها الجِيَف في كل ما تنزل عليها كافيه
وْيآكثر من يضحكلك ويخفي ورى الضحكة سموم
ودّه عليك بفرصةٍ ويدسّها بغْلافيه
لو هو من اقصى الناس ما ضرّك ولا زادك هموم
مير البلا لا صار من عزوتك جاه خْلافيه
اقرب قريب وظاهره لك يبعده عن كل لوم
فيه البلاوي داخله عن ظاهره متنافيه
لو الليالي وضعها للادمي مثل الهدوم
الشمس تكشف سترة الليل وتبين الخافيه
يا ليت لقلوب البشر فوجيهها نقش ووسوم
وتشوف من يحسدك واللي نيّته لك صافيه
والناس فالميزان والأعمار والله ما تدوم
مير احمد الله واشكره لا صرت بْخير وعافيه
إسم الشاعرإسم الكاتبالبلدإسم القسمالمشاهدات
عبدالعزيز الشاطريعبدالعزيز الشاطريالسعودية☆ دواوين الأعضاء .. الشعر العامي355
لاتوجد تعليقات
جميع الحقوق محفوظة لبوابة الشعراء .. حمد الحجري ©