تاريخ الاضافة
الثلاثاء، 7 يناير 2014 03:52:43 م بواسطة ماجد الحجري
3 535
ثنتـين لا تنطق بها غير صامِـل
ثنتـين لا تنطق بها غير صامِـل :
قولك أحب.. وقول فض المواصيل..
فالأوله / تجـرح بها من تِجامِـل
والثانيه بعد الغضب تِسهرك ليل..
أحيان تتـسرع و بالحُــب آمِـل
وتلقى جوابٍ يدمي القلب بالحيل..
واحيان لما تْـكون للغيض حامِـل
ترمي كلام وتخسر اللي له تميل..
إعرف مكانتهم و بالصدق عامِـل
لاكن بلاش إتصير خدعه وتمثيل ..
مافيه أحد بالناس بالوصف كامِل
و لابد تحتاج البشر بعض تجميل..
و ما هو بشرط تعز كل من تزامِـل
لن الغلا وهبه و موقف و تحصيل..
وان صار بالك من خطا الغير ثامِل
أبعد و تلقى غيرهم لو بعد جيل ..
وأما الغوالي حقهم عفو شامِـل
ما دام هالدنيا معاهم تساهيل ..
إسم الشاعرإسم الكاتبالبلدإسم القسمالمشاهدات
ماجد الحجريماجد الحجريالسعودية☆ دواوين الأعضاء .. الشعر العامي535
لاتوجد تعليقات
جميع الحقوق محفوظة لبوابة الشعراء .. حمد الحجري ©