تاريخ الاضافة
الثلاثاء، 7 يناير 2014 05:08:25 م بواسطة ماجد الحجري
3 706
دخيل صوتك ..
قلت أتصل فيك لجل أشتت نْعاسِك,
و مع الصباح أبتدي يومي بأحبابي..
وأثرك تقطع جذور العقل في فاسك,
لأني معك كلـما في هالفكر غابي ..
دخيل صوتك انا يا دوووب متماسك,
خف الدلع قبل ما تفقدني أعصابي..
أو .. إبععد الفون عن فمك وانفاسك,
قبل أنفضح من هروجك عند أقرابي..
صحيح صوت المُحب لامن لفى حاسِك,
ما عاد تدري لو إنك صرت منصابي..
ظني : مثـيل الخمر لامن ثقـل راسك,
مع إني عن خمـرهم أبعدت مركابي ..
انتي لي الخمر في صوتك واحساسك,
و أشـوفك اللي بتـفقد عقل الأعرابي ..
عليك أدمـنت و ماا ملـيت من كاسك,
و بشْـربك لـين العمر يفنى و ينعابي ..
خوذيني أقرب لصدرك من دفا لباسك,
وأبقى لك أقرب من عيوني لأهدابي..
ولبيـه لـك كـلك إمن أعلاك لااا ساسك,
وعندك يهوون التعب لـو تنوي إتعابي..
إسم الشاعرإسم الكاتبالبلدإسم القسمالمشاهدات
ماجد الحجريماجد الحجريالسعودية☆ دواوين الأعضاء .. الشعر العامي706
لاتوجد تعليقات
جميع الحقوق محفوظة لبوابة الشعراء .. حمد الحجري ©