تاريخ الاضافة
الثلاثاء، 7 يناير 2014 06:20:55 م بواسطة ماجد الحجري
4 648
حٌب و طيش ..
أحيان من ربي تِبـيّن غلاتك
ويعلمك يآ هيه تعني لهم إيش..
إن جاك من وده يجدد حياتك
لآ تندفع له.. روح له بس بشويش..
ترا إندفاعك له سبب في شقاتك
لأنه يشوفك سهل والسهل مَ يعيش..
و إذا تثيقل عمد وره سكاتك
وعليه لا تسأل ولا تقوله ليش..
وإذآ هو أقبل لك عطه مكرَماتك
لكن حذاري توصل لمرحلة طيش..
خل التوازن بالثقل من صفاتك
لا تصيرله جاحد ولا تصير درويش..
وشوف الذي ساوآ سواته سواتك
فَتش عن إلي صاين القرب تفتيش..
و دور كريم أخلاق تلقى نجاتك
ماهو على شكله وزين الدشاديش..
وللحب ملمس فارقن في حياتك
إما ملامس شوك أو لآمسن ريش..
فإن كنت لامس ريش هذي غناتك
وان كان لاوالله أبنصحك تطنيش..
إسم الشاعرإسم الكاتبالبلدإسم القسمالمشاهدات
ماجد الحجريماجد الحجريالسعودية☆ دواوين الأعضاء .. الشعر العامي648
لاتوجد تعليقات
جميع الحقوق محفوظة لبوابة الشعراء .. حمد الحجري ©