تاريخ الاضافة
الأربعاء، 8 يناير 2014 09:56:06 ص بواسطة عبدالعزيز الشاطري
0 274
قالن علام الشيب ناشك يا يابه
قالن علام الشيب ناشك يا يابه
توّك شباب وتوّ بالعمر بادي
قلت البلا جات الليالي نهابه
خذت عيوني واطرحت لي فؤادي
غصبٍ عليّه لاظْهر الوقت نابه
أشيب لو انّي طفل فالمهادي
اشوف واعرف يا بناتي غلابه
والناس ضعفٍ تحت رب العبادي
لكنّ ابرفع له يدي في إنابه
وقولن امين ورافعات الايادي
يالله يا من فكّ للخلق بابه
تدخل ابو نايف جنان البرادي
ويا من شفيت ايوب من كرب مابه
سبعة عشر عامٍ يعاني بْجلادي
تشفي ابويه من خبيث حدابه
عن الوقوف وحالته فازْديادي
في كل يوم الجرح زوّد عذابه
خل العوافي له لباسٍ وزادي
خله يذوق العافية في جنابه
يمشي يسولف يهتني بالرقادي
يابوي ما للعافية والصبابه
طعم لنا وانته سقيمٍ تنادي
شكواك للي من تشكوى التجابه
يالله عافه يا إله العبادي
يالله عافه والبسه من شبابه
لبس العوافي يا كريم الايادي
خلاص يكفي يا بناتي إجابه
ويا جعلكم ما تعرفون النكادي
إسم الشاعرإسم الكاتبالبلدإسم القسمالمشاهدات
عبدالعزيز الشاطريعبدالعزيز الشاطريالسعودية☆ دواوين الأعضاء .. الشعر العامي274
لاتوجد تعليقات
جميع الحقوق محفوظة لبوابة الشعراء .. حمد الحجري ©