تاريخ الاضافة
الأربعاء، 8 يناير 2014 09:57:19 ص بواسطة عبدالعزيز الشاطري
0 213
وحدة مرض والثانية صيدلية
يامّ العيون اللي لها الليل الاسود
كحلٍ من الباري معه جاذبيه
في رسمها بين المخاليق تحسد
واخيلها في كل صبح وعشيّه
منها حياتي كلها صدٍّ ورد
تلعب عليّه بين روحه وجيّه
والشوق يتبع طيفها وين ما شد
لا مرّت انْسام المحبين ليّه
ما غاب لو ان الليالي تمرّد
وان غاب عن هذيك صوّرت ذيّه
مريضة الاجفان والحد مشتد
يشكي من ازعاج المشاعر شويه
القلب يبرا من مرضها ويرتد
لا دقّت رموش الغلا لي تحيه
هي علتي ودواي من وين ما لد
وحده مرض والثانيه صيدليّه
آخر علاج الناس كيّة على عَد
واوّل علاجي منك بالرمش كيّه
ما دام رمشك يادْعج العين له حد
وْجروح قلبي منه دايم نديه
خليك جنبي لا تخلين للصد
والهجر والحرمان دربٍ عليّه
إسم الشاعرإسم الكاتبالبلدإسم القسمالمشاهدات
عبدالعزيز الشاطريعبدالعزيز الشاطريالسعودية☆ دواوين الأعضاء .. الشعر العامي213
لاتوجد تعليقات
جميع الحقوق محفوظة لبوابة الشعراء .. حمد الحجري ©