تاريخ الاضافة
الأربعاء، 8 يناير 2014 11:21:55 م بواسطة ماجد بن خرصان
0 151
بعض الرجال
ان جيت للفزعه ادور رجاجيل
الحكي هيبه والفعايل ولا شي
وش تنفع الدله وهي مابها هيل
وش تنفع الشمعه وهي مابها ضي
السالفه يعني كذا مثل ماقيل
وقت المصالح يجعلونك تحت فيّ
بعض البنات احيان والله رجاجيل
لا قلت ياوضحى ولا يا ميّ
اخير من بعض الرجال المهابيل
لا شفت وجهه عشق الجمس في الدي
وبعض الرجال يمثل الطيب تمثيل
يدعيك للحاجه او يقول بتجي؟
وان ماعطيته قال ياويل ياويل
ياليتني عشيته البارحه نيّ
وبعض الرجال اليوم يبغا تحاليل
صورته زي اخته وبالصوت هي هي
لا شفته تغض البصر عنه وتميل
لانك على نيتك ولا اظن تدري
الجيل الاول راح واليوم ذا الجيل
مابه عرب لا شافت العيب تحكي
وترى عقول الناس مثل المناديل
لامن غرق بالزيت ماينفعك شي
إسم الشاعرإسم الكاتبالبلدإسم القسمالمشاهدات
ماجد بن خرصانماجد بن خرصانالسعودية☆ دواوين الأعضاء .. الشعر العامي151
لاتوجد تعليقات
جميع الحقوق محفوظة لبوابة الشعراء .. حمد الحجري ©