تاريخ الاضافة
الخميس، 9 يناير 2014 09:29:07 ص بواسطة عبدالعزيز الشاطري
0 324
المشكلة بعد المنايا .. مرثية أبوي
ماجور ياقلبٍ ولانته بمحسود
من الجروح القاسيات الندايا
لك عدة اعْوامٍ ليا هبّت النود
قامت تقلّب فوقك اقوى الرزايا
موجود لكن مانْت والله بموجود
الحزن زادك والهموم المطايا
جيوش همي كلها جاتك حْشود
تمركزت لك حول عوج الحنايا
من غاليٍ ذكراه صارت لك وقود
جمرٍ يزيد الجسم حرق وشظايا
من بعد ابويه صرت يا قلب مفقود
بين الليال وزاد فقدك عزايا
راع الوفا والطيب للناس والزود
فالمرجلة والفخر نال المزايا
ترقى به الافعال عن كل منقود
ماهو كلامي .. من كلام البرايا
دام الملا تحكم على بعض وشهود
مشهود له .. من طيبين السجايا
لكن ياقلبي ترى الصبر محمود
بالصبر تكسب لك جزيل العطايا
ما فالمنايا مشكلة .. وقت محدود
المشكلة فالوضع بعد المنايا
يا جعل للجنة له الدرب ممهود
مرحوم مغفور لْجميع الخطايا
ماجور يا قلبي ولانْته بمحسود
وْمغفور يا بويه جميع الخطايا
إسم الشاعرإسم الكاتبالبلدإسم القسمالمشاهدات
عبدالعزيز الشاطريعبدالعزيز الشاطريالسعودية☆ دواوين الأعضاء .. الشعر العامي324
لاتوجد تعليقات
جميع الحقوق محفوظة لبوابة الشعراء .. حمد الحجري ©