تاريخ الاضافة
الخميس، 9 يناير 2014 09:34:16 ص بواسطة عبدالعزيز الشاطري
0 212
أبكم ومظلوم
يا هاجسي لو المنايا لها وْسوم
هاك العلوم وردّها بْحيد غمزه
لا عنترة والنابغة وابن كلثوم
وْلا خالد وجعفر ومصعب وحمزه
الشعر ماهو شعر .. والسيف مثلوم
يبقى لنا اسْم السيف والشعر رمزه
الهزل في صدر الجزالات مردوم
والذل فوق العز يومي بعجزه
لكن عندي فصل والجزل مختوم
والسيف له حدين والرمح غرزه
تعجّمت أفواه وعيونها توم
حتى ولو شافت مع القوم .. خنزه
والناس ضاعت فيه والوقت منجوم
واللي سرى بالكنز من مثل حرزه
نجس يتخفّى والليالي له هْدوم
واليا اصْبح اطهر من مصلاك وانْزه
معروف لكن مانْتجرّى على اللوم
تبقى القناعة كنز .. والكنز كنزه
والله يالباطل ولو يرفعه قوم
لا بدّ ما ينزل على الارض رجزه
والحق يبقى لو تجي دونه غيوم
لا بدّ ما يظهر مع الوقت فرزه
يا هاجسي غض النظر مانْت ملزوم
لو بان بعض العلم من حيد غمزه
يا شين حالك دايم ابكم ومظلوم
واو العنا من حولها سين همزه
إسم الشاعرإسم الكاتبالبلدإسم القسمالمشاهدات
عبدالعزيز الشاطريعبدالعزيز الشاطريالسعودية☆ دواوين الأعضاء .. الشعر العامي212
لاتوجد تعليقات
جميع الحقوق محفوظة لبوابة الشعراء .. حمد الحجري ©