تاريخ الاضافة
الخميس، 9 يناير 2014 09:36:11 ص بواسطة عبدالعزيز الشاطري
0 205
فايف ستار
ياللي خذيتيني من العسر للّين
اصبح غلاك اغلى من النفط للدار
اليا تباعدنا صرفنا الملايين
واليا التقينا نجني الربح مليار
سوق المحبة مرتفع للمحبين
ويزيد لا زادت والا اخْتلت انهار
اشواقنا ما بيننا باي تثمين
والوصل غالي والغلا باب الاسرار
للحب في سلم المحبين دربين
ما بين بعد وقرب .. للوصل مشوار
البعد صحرا تشكي غْيومها سنين
والقرب غيمة صافحتها بالامطار
اروت منابتها من يسار ويمين
واستنشقت من جوفها عطر الازهار
لين اجتمعنا شخص واحد بقلبين
فيها شموع الحب لدروبنا انوار
وْعهد المحبة ثابتٍ بالشرايين
مايقطعه غير المنايا والاقدار
من دونها نبقى على العهد وافين
يفرض علينا الحب من دون نختار
واخر نتاج الحب يا كامل الزين
وش صار لك منها وانا ويش لي صار
بنيت لك في داخل القلب والعين
من الفنادق والفلل فايف ستار
فيها تغنّي والعبي بين الاثنين
وانا يكفيني من اسبابك شهار
إسم الشاعرإسم الكاتبالبلدإسم القسمالمشاهدات
عبدالعزيز الشاطريعبدالعزيز الشاطريالسعودية☆ دواوين الأعضاء .. الشعر العامي205
لاتوجد تعليقات
جميع الحقوق محفوظة لبوابة الشعراء .. حمد الحجري ©