تاريخ الاضافة
الخميس، 9 يناير 2014 09:42:08 ص بواسطة عبدالعزيز الشاطري
0 221
نار الغبن
وش حيلة القلب حب وراح محبوبه
والحال من بعدها من سُوّ في سُوّي
قطّع به الياس شريان الوصل صوبه
توّه شباب وعليه الهمّ متْثوّي
ماعاد تنفعني التوبة من ذْنوبه
وْلا عاد تنفع حياتي ليتي ولوّي
اهيم فيها واشقّق فالحيا ثوبه
والدرب مظلم ونار الجوف له ضوّي
من شافني حطني للناس لعبوبه
يضحك وانا داخلي جمر الشقا توّي
للريم فالقلب نار الغبن مشبوبه
وانا ظمايه لها بالحيل متروّي
ولّعتها يوم قيل الريم مخطوبه
ما للدّفا شفّ منها القلب متكوّي
وازيدها بالحطب لاقيل مغصوبه
يالريم حكم القدر قاسي وش نْسوّي
انسي وانا بآتناسى الحب ودروبه
مادام حكمه علينا صار متقوّي
عيشي حياتك ترى الايام محسوبه
وانا بذكراك ضعفي يشتكي قوّي
صارت حياتي طوال العمر مقلوبه
من وين ماسوقها والحظ متلوّي
لو لاحت بروقها فالغيم مكذوبه
ما فاد منها الحيا بعد انخطف نوّي
يالريم جوّك يبى يسقيك مشروبه
صافي .. وانا ابْقى سببكم ما صفا جوّي
إسم الشاعرإسم الكاتبالبلدإسم القسمالمشاهدات
عبدالعزيز الشاطريعبدالعزيز الشاطريالسعودية☆ دواوين الأعضاء .. الشعر العامي221
لاتوجد تعليقات
جميع الحقوق محفوظة لبوابة الشعراء .. حمد الحجري ©