عناوين ونصوص القصائد   أسماء الشعراء 
الشعراء الأعضاء .. عامِّي > السعودية > سلطان عتيق الحربي > يبقا سلام الله لو الجرح ماطاب

السعودية

مشاهدة
1081

إعجاب
1

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

يبقا سلام الله لو الجرح ماطاب

يالايمي وش عاد تبغا بعدها
الصمت ابلغ دامها بين الاصحاب
ولا العتب مطلوب مهما رصدها
ردار جزلين المواقف بلا حساب
عنها تشوم النفس تأبا رددها
للعز ودروبه مهاميه وذياب
خلك على هذي وهذي صددها
منته بكفوٍ لجل اشارهك بعتاب
شرهتك للي لو تمره عضدها
اما طلبك الحق ولا لها جاب
شرواك وامثالك نخلي عقدها
فرصه ونبغاها بعد قفلة الباب
ولا المجنن لابتلانا قردها
بلّاه ..؟ وش ينصف من ضعوف تغتاب!
يبغا يغلق مير يجهل سددها
هذا ليا حدّه طريقٍ بالاسباب
الوجه بارد والسوالف سردها
واخس والعن لاتعذر بالاكذاب
يزيد من حاله ودايم حصدها
مايعتبر رجلٍ خلا شيمة اعراب
اقولها بلسان منهو شهدها
حشا ولا والله تجنيت باسهاب
من داخل الواقع حروفي هددها
ندمح من القاصي اجل كيف الاقراب؟
لاشك ماشفنا حدٍ ينتقدها
اعلوم وافعالٍ ينوخ لها ركاب
يكفي هل المعروف كلمة قصدها
راع الخطا وينب عن دربها تاب
يمكن يجمل مايكمل لهدها
على اهون الاحوال لصدق طلاب
نقبل بصدق القول لو ماوجدها
يفرض علينا الدين لاتاب نصاب
ماهو تناقض والدعاوي قندها
فكرٍ ليا حارت على الشرع ماخاب
دامه نطق تايب ولايعتمدها
يبقا سلام الله لو الجرح ماطاب
سلطان عتيق الحربي
التعديل بواسطة: سلطان عتيق الحربي
الإضافة: الخميس 2014/01/09 11:30:25 مساءً
التعديل: السبت 2014/04/19 09:24:26 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com