تاريخ الاضافة
الأحد، 12 يناير 2014 08:27:40 م بواسطة صالح بن عمار
0 188
حالب النمله ..!
الدروب كثار والمعنى غشـاه.
القهر في صدر شاعـر ذمهـا.
الحقيقه ... في مكاسبها اشتباه.
واضحٍ لي .! نوعها من كمهـا.
آه ياعودٍ ...... ونينه في وحاه.
شب صدري .! من جروحٍ لمها.
شايبٍ بين الملا يسحب عصاه.
يشتكي جور السنين ... وهمها.
ماتوا اعياله . وقامت في عزاه.
العجوز .... اللي ولدها عمها.
منزله تلقاه ... بصدور الرواه.
في سنينه ..... كل قصه وامها.
جيت يمه .. ودي اخفف عناه.
وابتسم فرحه ...! وكفي خمها.
أسترحنا .! قال وقتي في جفاه.
جوني أحفادٍ ... مرضها زمها.
الاصاله .... بين حافين ورعاه.
والبلا ..! من حيةٍ في كمهـا.
لي قبايل من زمن كانوا دهـاه.
بس جور الوقت .. مال ولمها.
من سلم منهم على حد الوفاه.
والضحايا ....! سمها من دمها.
نملةٍ دِبَت على طويق وحصـاه.
كم ذليلٍ .... ساق رجله يمها.
حالب النمله .. زمانه ماعصاه.
بالمصالح .... لقمته من فمهـا.
لابسٍ تاج الخديعه .. والعبـاه.
شحذةٍ جاته في عقلك سمهـا.
والغريب اللي جفـاه الاتجـاه.
يبس اعروقه .. ذحاحٍ سمهـا.
بين قدحة زند.! ونيّات الهواه.
دخّنَت .! في صدر وجهٍ شمها.
كل مادح لو تبي تبحـث وراه.
عند غيرك روح ذاتك ذمهـا.
للمدح شاعر يبين لك وفـاه.
في حضورك في غيابـك تمهـا.
اختلاف الوقت حتى بالدعـاه.
الأئمه ..... كل بلبـل أمهـا.
شوف ماشفته .. وميّز بانتبـاه.
بالبشر وش خصها وش عمهـا.
قمت ضايق والفكر غيم سمـاه.
لجت ارعوده .. وقلبي ضمهـا.
التفت وقلت .! يالعود الغنـاه.
لو تعيش الروح وقتٍ غمهـا.
إسم الشاعرإسم الكاتبالبلدإسم القسمالمشاهدات
صالح بن عمارصالح بن عمارالسعودية☆ دواوين الأعضاء .. الشعر العامي188
لاتوجد تعليقات
جميع الحقوق محفوظة لبوابة الشعراء .. حمد الحجري ©